फ्रिजमध्ये अन्न किती दिवस सुरक्षित? चुकीच्या पद्धतीने आरोग्य धोक्यात

How Long Food Stay Fresh In Fridge : आजकाल बहुतेक लोक अन्न (Food) वाया जाऊ नये म्हणून फ्रिजमध्ये ठेवतात. पण तुम्हाला माहिती आहे की, कोणताही अन्नपदार्थ जास्त काळ फ्रिजमध्ये (Fridge) सुरक्षित राहत नाही. काही पदार्थ लवकर खराब होतात, तर काही जास्त काळ टिकतात. परंतु प्रत्येक पदार्थाची एक शेल्फ लाइफ असते, हे मात्र खरं आहे. जर एखादा पदार्थ योग्य वेळी खाल्ला नाही तर तो शरीराला (Health Tips) आणि एकुणच आरोग्यालाही हानी पोहोचवू शकते. कोणते पदार्थ किती दिवस फ्रीजमध्ये ठेवायला हवेत (Kitchen Tips) यावर तज्ञ काय सांगतात, ते पाहू…

मसूर आणि भाज्या

जर मसूर फ्रिजमध्ये ठेवला तर तो 2 ते 3 दिवस आरामात खाऊ शकता. त्यानंतर मसूरची चव बदलू लागते आणि त्यामुळे पोट खराब होऊ शकते. भेंडी, दुधी भोपळा, झुचीनी किंवा बटाटा यासारख्या हिरव्या भाज्या 2 दिवसांपेक्षा जास्त काळ फ्रिजमध्ये ठेवू नयेत.

पनीर
पनीरपासून बनवलेले पदार्थ लवकर खराब होतात. मटर पनीर किंवा शाही पनीर सारखे पदार्थ फक्त 1 ते 2 दिवसांसाठी फ्रीजमध्ये ठेवावेत. त्यानंतर त्यांना दुर्गंधी येऊ लागते आणि त्यामुळे अन्नातून विषबाधा होऊ शकते.

सुनेत्रा पवार RSSच्या कार्यक्रमात, रोहित पवार म्हणाले, ‘संघाच्या बैठकांना येण्याचा अजितदादांवर…’

तांदूळ
शिजवलेला भात फ्रिजमध्ये ठेवल्यास तो 24 तास म्हणजे एक दिवस चांगला राहतो. जास्त काळ ठेवल्यास त्यात बॅक्टेरिया वाढू लागतात, जे आरोग्यासाठी हानिकारक आहेत.

चपाती
तुम्ही सुक्या चपात्या 2 दिवस फ्रीजमध्ये ठेवू शकता. पण जर चपातीवर जास्त तूप किंवा तेल असेल तर ती लवकर खराब होऊ शकते.

गुडन्यूज! 12 आणि 28 टक्के GST स्लॅब संपणार, मंत्रिमंडळाने केंद्राचा प्रस्ताव स्वीकारला

दही आणि दूध
दही 4 ते 5 दिवस फ्रिजमध्ये ठेवता येते. पण जर जास्त दिवस फ्रिजमध्ये ठेवले तर ते आंबट होते. फ्रिजमध्ये ठेवल्यास दूध 2 ते 3 दिवस सुरक्षित राहते, परंतु ते बाहेर काढून पुन्हा पुन्हा गरम केल्यास ते लवकर खराब होऊ शकते.

फ्रिजमध्ये अन्न साठवण्याची योग्य पद्धत

अन्न नेहमी थंड झाल्यावरच फ्रिजमध्ये ठेवा. हवाबंद डब्यात अन्न साठवा. उरलेले अन्न जास्त वेळ बाहेर ठेवू नका. फ्रिज नियमितपणे स्वच्छ करत रहा. रेफ्रिजरेटर हा अन्न सुरक्षित ठेवण्याचा एक चांगला मार्ग आहे, परंतु नेहमी लक्षात ठेवा की, प्रत्येक अन्न पदार्थाची एक शेल्फ लाइफ असते. डाळी आणि भाज्या फ्रिजमध्ये 2 दिवस, पनीरचे पदार्थ 1 ते 2 दिवस, भात 1 दिवस, रोटी 2 दिवस आणि दही 4-5 दिवस ठेवावे. यानंतर मात्र ते आरोग्यासाठी धोकादायक ठरू शकते.

संबंधित बातम्या